Маргадтамир ХХК нь хөдөлмөрийн зах зээлийн эрэлт хэрэгцээнд нийцсэн богино хугацааны сургалтуудыг жил бүр тогтмол зохион байгуулж, нийтээрээ 1000 гаруй иргэнийг олон чиглэлээр чадавхжуулан бэлтгэдэг. Эдгээр сургалтууд нь богино хугацаанд эзэмших боломжтой, практик хэрэглээ өндөртэй, байгууллага болон хувь иргэдэд шууд ач холбогдолтойгаар төлөвлөгдөн хэрэгждэг.

Сургалтын үндсэн чиглэлд Хөдөлмөрийн аюулгүй байдал, эрүүл ахуй (ХАБЭА), төсөл бичих арга зүй, бизнесийн сургалт, компьютерийн суурь болон хэрэглээний программ, нягтлан бодох бүртгэлийн анхан шат, багшийн арга зүйн сургалт, сэтгэл судлалын сургалт зэрэг мэргэжлийн чадамжийг богино хугацаанд эзэмшүүлэх олон төрлийн сургалт багтдаг.

Эдгээр сургалтуудад хамрагдсан иргэд төслийн санхүүжилт авах боломжоо нэмэгдүүлэх, ажлын байрны аюулгүй ажиллагааг сайжруулах, аж ахуй эрхлэх ур чадвар эзэмших, боловсролын байгууллагад ажиллах ур чадвараа дээшлүүлэх зэрэг бодит давуу талуудыг олж авдаг. Ийнхүү манай богино хугацааны сургалтын тогтолцоо нь орон нутгийн иргэдийн эдийн засгийн идэвх, ажиллах чадамжийг нэмэгдүүлэхэд бодит хувь нэмэр оруулж байна.